مضربون كلنا مضربون عشانك يا مصر

مانرضاش يخاصم القمر السما

مانرضاش تدوس البشر بعضها

مانرضاش...يموت جوا قلبي نداء

مانرضاش تهاجر الجزور ارضها

مانرضاش...قلبي جوا يغني ..الاجراس تدق لصرخة ميلاد

تمــــوت حتة مني...الاجراس بتعلن نهاية بشر من العباد

دي الحكمة قتلتني ..وحييتني...وخلتني أغوص ف قلب السر....قلب الكــــــــون..

قبل الطوفان ما يجيي..

وخلتني أخاف عليكي يا مصر واحكيلك على المكنون...

مين اللي عاقل فينا مين مجنون...

مين اللي مدبوح م الالم

مين اللي ظالم فينا مين مظلوم

مين اللي مايعرفش غير كلمة( نعم )..

مين اللي محنيلك خضار .....الفلاحين غلابة

مين اللي محنيلك عمار....... عمالك الطيابة

مين اللي بيبيع الضمير....ويشتري....ويشتري بيه الدمـــــــــــــــار

مين هو صاحب المسألة ...والمشكلة ....والحكاية والقلم

رأيت كل شئ....وتعبت على الحقيقة

قابلت ف الطريق ...عيون كتير بريئة

أعرف بشر.....عرفوني؟؟...لأ....لأ ماعرفونيش

قبـــــــــــــــــــــــــلوني ...وقبلتهم

بمد ايدي لك.....طب ليه ماتقبلنيش

لايهمني اسمك ...لايهمني عنوانك

لا يهمني لونك ولا ميلادك...مكانك

يهمني الانسان..ولو مالوش عنوان

يـــا ناس يا ناس يا مكبوتة ......هي دي الحدوتة

يـــا ناس يا ناس يا مكبوتة ......هي دي الحدوتة

حدوتة مصرية

إتفقت كافه القوي الوطنية في مصر علي

أن يكون

يوم 6 إبريل

يوم إضراب عام في مصر

يوم 6 إبريل

خليك قاعد في البيت أو شاركنا فى الميادين العامة

أوعي تنـــــــــزل لكن شاركنا

ماتروحشي الشغل

ماتروحشي الجامعه

ماتروحشي المدرسة

ماتفتحشي المحل

ماتفتحشي الصيدليه

ماتروحشي القسم

ماتروحشي المعسكر

عايزين مرتبات تعيشنا

عايزين نشتغل

عايزين تعليم لأولدنا

عايزين مواصلات أدمية

عايزين مستشفيات تعالجنا

عايزين دواء لأطفالنا

عايزين قضاء منصف

عايزين أمن وأمان

عايزين حرية وكرامه

عايزين شقق للعرسان

مش عايزين رفع أسعار

مش عايزين محسوبيه

مش عايزين ظباط بلطجية

مش عايزين تعذيب في الإقسام

مش عايزين أتاوات

مش عايزين فساد

مش عايزين رشاوي

مش عايزين إعتقالات

مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب

) حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات(

6أبريـــــــــــــــــل

أضراب عام في مصر سلمي

أبعت رسايل لخمسة من أصحابك

ولو كل واحد بعت لخمسة

في ظرف يومين البلد كلها حتعرف

بالموبايل

بالأرضي

بالأيميلات

أو حتي رسايل عالشات في قنوات التليفزيون

أنسخوا رسالتنا وأبعتوها تعليق على كل المقالات ألي بتقروها

بيكوا وبينا البلد دي حتتغير أنشاء الله

المسيحين مع المسلمين لصالح مصر

يالا يامحمد يالا يامينا مصر مش هتتغير إلا بإيــــدينـــــــا

الشعب بياكل حمير و كلاب يا حكومة

الشعب بياكل حمير و كلاب يا حكومة
شوفتو أخرت الغلو أيه
شوفتو وصلتونا لأيه
أيامكم قربت قوي


part 1


part2

حرب بين المصريين و السعوديين علي الأنترنت

في أول رد للشباب المصري علي فريق وكر العصفور
غنى شاب مصري أغنية راب كلها سباب للسعوديين ردا على شباب وكر العصفور

أترككم مع الأغنية مع التنويه علي أنها مليئة بالسباب



و تعكس تلك الأغاني البذيئة حجم الفجوة بين الشباب العربي
في مجتمعنا

حدادا علي أم الرشراش و كرامة الوطن

أثار إعلان مؤسسة الاقصى لاعمار المقدسات الاسلامية العثور على مقبرة جماعية لمسلمين قتلوا شنقا أو رميا بالرصاص، وتضم بقايا مصاحف وأسلحة بيضاء في مدينة "ايلات" على البحر الأحمر التي تحتلها اسرائيل منذ عام 1949 ردود أفعال كبيرة في
مصر باعتبارها أرضا مصرية محتلة باسم "أم الرشراش" قبل أن تغير اسرائيل اسمها


أعلنت الجبهة الشعبية لاستعادة أم الرشراش احتفاظها بوثائق هامة تؤكد أن هذه المقبرة دفن فيها 350 من قوة حرس الحدود المصرية بعد أن قتلتهم جماعيا قوات كان يقودها اسحق رابين رئيس الحكومة الاسرائيلية الأسبق في عملية "عوفيدا" في 10 مارس 1949.

وتعود تسمية أم الرشراش إلى قبيلة عربية استقرت قديما فيها وتحمل الاسم ذاته، حيث كانت طريقا بريا لمرور الحجيج من شمال أفريقيا إلى الأراضي المقدسة في السعودية، ونقطة التقاء الحجاج المصريين والشوام، وسوقا تجارية يحمل رمزا دينيا في ذلك الزمان.

واحتلت الحملات الصليبية أم الرشراش مرتين نظرا لأهميتها الاستراتيجية، وفي الأولى أخرجهم منها صلاح الدين الأيوبي، وفي الثانية أخرجهم الظاهر بيبرس. وكانت مصر قد تقدمت باحتجاج دولي عندما اخترقت قوات اسرائيلية الهدنة مع الجيوش العربية ودخلتها عام 1949، وتم عقد اجتماع في ذلك الوقت انتهى بالفشل بين أحد العسكريين المصريين وموشيه ديان،الذي شغل منصب وزير الدفاع الاسرائيلي في حرب يونيه 1967 وحتى حرب اكتوبر 1973 .



كل تلك أخبار و عناوين تأكد أن أم الرشراش جزء من الوطن المصري مغتصب بأيد اليهود
و أين ثمن شهدائنا في تلك المقبرة و شهداء أسرى 67

من يجيب؟؟؟


لذلك أعلن الحداد علي ضياع كرامة و ثمن كل مصري مع كل خطوة لجندي صهيوني علي أرض أم الرشراش